減"重"與減"脂"
講到減肥，好多人都會將減"重''同減"脂"劃上等號， 其實兩者係截然不同嘅概念，準確嚟講我哋減肥係需要進行減"脂"而不是減"重"。
定義
減重: 減少嘅重量成分包括水份肌肉及脂肪。
減脂: 減少嘅重量成分專注於脂肪，能夠保留肌肉量甚至增加肌肉量。
如果你只係著重電子磅嘅數字，去谷一次桑拿已經達到你嘅目的(水分流失)， 但你只會享受到短暫嘅愉悅，因為你飲幾杯水個體重又會上升返。
大家仲記唔記得減重方程式呢?
消耗量> 攝取量=減重
:咁我食少一餐咪可以瘦囉~
冇錯， 就算冇訓練介入，前期會有明顯嘅體態變化， 但係好快會進入死胡同， 因為身體代謝下降， 身體唔夠能量嘅情況下甚至會燃燒肌肉做能量， 久而久之就會出現 skinny fat 體態。
---呢啲係咪你哋想要嘅結果?
當然唔係。
咁點樣先可以有效進行減脂以避免自己落入減重嘅陷阱 ?
決定身體進行減重或減脂嘅重要分野就係---阻力訓練---
今堂講住咁多畀大家消化下，我哋下回作總結。
