究竟脂肪係咪真係咁壞?
好多人一聽到脂肪就走夾唔抖，今堂就同大家了解下脂肪，佢係咪真係咁壞呢?
實際上脂質相比脂肪用詞上涵蓋更好,，脂質包括三酸甘油脂(脂肪與油脂)及脂肪相關嘅混合物，例如類固醇與磷脂質。
另外脂肪喺體內具有好多功能。人體內能量嘅儲存位置主要位於脂肪組織，少量嘅脂肪亦都會儲存喺骨骼肌入面,特別係受過訓練嘅有氧運動員。 體脂肪亦具有保護同隔離體內器官，調節荷爾蒙嘅功能，脂肪同時都係脂溶性維生素A,E,D,K嘅運輸者。
脂肪與運動表現
運動中肌肉內與循環系統中嘅脂肪酸係潛在嘅能量來源。同身體儲存有限嘅醣類能力相比，脂肪嘅儲存量豐富而且能夠作為運動嘅永續燃料。 喺低強度運動同休息時，有很高比例嘅能量產生來自脂肪酸嘅氧化，當運動強度增加，身體會逐漸由脂肪轉換為醣類 作為燃料來源。
持續進行有氧訓練會增加肌肉使用脂肪酸能力外，經過一段時間攝入高脂，低醣飲食時，人體會適應呢個狀態而利用更多嘅脂肪你提供能量。
