急速減重(Rapid weight loss)(一)
今堂同大家了解下咩係急速減重。
*原理係短時間減少卡路里攝取同增加運動量黎達到減"重''目的。
某些特定項目嘅運動員為咗參加預期嘅體重量級比賽， 可能採用有害嘅減重方法例如禁食 ，自主性脫水(e.g.桑拿)，自我催吐，濫用瀉藥等。
雖然會好快下降到個人期望體重值， 但係可能會令你嘅肌肉大量流失，感覺疲勞，情緒波動甚至降低運動表現。
副作用亦包括肌肉痙攣，荷爾蒙失衡，抑制免疫系統等。
講到呢度，大家有冇發覺呢種情況同徵狀熟口熟面，唔單止係運動員，身邊嘅朋友甚至自己都出現呢種情況同徵狀?
係運動員層面， 呢種方法都定義為唔健康， 咁對於普羅大眾嘅我哋， 應唔應該嘗試採用呢? 有冇對身體溫和嘅方法去減"重"?
賣個關子，下回分解。
