你而家開始認真對待您身體嘅健康？喺其付諸行動之前我哋可以俾啲貼士你！重點係打破身心舒適區，更加容易達成目標!
1：完全了解你的目標是什麼
如果你冇既定目標，咁你就會浪費你嘅時間。你仲必須對你嘅目標非常具體。你越具體，你就越有可能達到理想嘅身形。問問自己，“點解我想要實現呢個身形？” 如果你的答案唔夠強大，你永遠唔會成功，漫無目的咁做，結果係唔會那麼有意義。另外確保目標真正符合您嘅要求並且值得盡一切努力去做。
2：有現實的期望
不切實際的期望會令你非常沮喪。實現您嘅目標嘅最佳方式係先了解自己，再設定一個可實現嘅目標。通過你嘅努力取得的成就，而唔係不切實際咁幻想成為一個你無法達成嘅目標！
3：願意付出
如果你唔願意付出，或者你相信一日做3分鐘就可以.....！你而家可以停下來啦，因為一旦過程變得艱難，你就會搵到好多退出嘅藉口。係呢段時間裏面，生活會比到好多考驗你，你必須願意為你要達到嘅目標付出一切！有人一天需要食十餐，因為佢要變強壯！有人需要筋疲力盡咁做高強度有氧運動。因為佢討厭佢嘅脂肪！等等......絕對唔係容易做到，但係如果你想成功，你必須有這種心態。
4：尋求適合你的正確健身知識
改變你嘅身體可能係一條漫長而艱難嘅道路，因為人體好複雜，而且每個人都係獨特嘅，每一個細節（飲食，休息及操練）都好重要。千萬唔好盲目跟隨別人嘅訓練方式，正確適合你嘅健身知識，可以幫助您避免受傷，更加快搵到問題所在，改變策略，改變適合你嘅訓練方法！當然要找到適合你嘅訓練方法係需要一啲時間，或者可以尋求經驗豐富，可靠嘅教練指導，減少摸索嘅時間！
5：正確營養飲食知識
飲食係健身裏面非常重要嘅一環！正確營養飲食知識食可以幫你達成目標！例如 •嘗試每餐飯食瘦肉蛋白，如果你需要，可以補充蛋白質粉。 •如果你想要減脂，可以選擇係肌肉訓練前後食大部分碳水化合物。 •避免係一天中食太多簡單碳水化合物，並嘗試將復雜碳水化合物作為主要能量來源。 •添加蔬菜作為填充物，以增加營養和纖維。 •不要害怕攝取脂肪。好嘅脂肪，（主要是不飽和脂肪）係必須攝取的，因為好嘅脂肪可以幫助吸收營養，修復皮膚，細胞和指甲等各方面都發揮著重要作用。
6：不要讓錯誤影響
有時我哋會好專注計劃進度，引至於會比一個錯誤或唔完美嘅日子影響到灰心喪氣，因而完全放棄。例如，在你係朋友聚會上，食多咗，第二日又要同屋企人食飯，導致完全跟唔上原先定落嚟嘅飲食計劃。或者你今日原定操練嘅時間，公司突然有工作要做，等等...好多生活上突如其來嘅事，都會影響你嘅計劃。你不但可以感到氣餒，更加需要從中學習，下次遇到問題嘅時候要立即作出正確嘅決定！
7：相信自己
能夠取得成功嘅人！主要因素係他們相信自己能夠做到。如果你以消極嘅方式同自己交談 「 “我永遠不會減肥”，“我討厭我的樣子”，“我做不了什麼” 」等等消極同負面嘅思想！你點可以能期望自己變得更好呢？如果你唔想別人同你說，請你唔好對自己說。相反，講一啲激勵嘅說話比自己，比如，「“只要我繼續努力，我一定能辦到的」等等...只要方法正確，達到目標都係時間嘅問題！
8：健身是為了健康，而不是單靠外型(重點!重點!重點!重點!重點!重點!)
你要將健康嘅飲食同規律嘅運動時間，變成你嘅生活！因為健康唔單止係你減左20磅？如果你有一個好嘅外型，但係身體器官同實際體能好差，你係唔會長久！因為好多人想短時間內減肥。通常非常嚴格同唔健康嘅飲食方式達到減重效果，所以當佢恢復正常嘅飲食模式時，佢會重新擁有所有體重 - 有時甚至更多。極端飲食可以燒掉肌肉並破壞新陳代謝，導致體重反彈。又再用極端飲食或運動，惡性循環落去....